कविता - ज़िन्दगी

ऐ जिनगी के

कहां ले आना अउ कहां ले जाना हे

ऐ जिनगी के भइया इहां न कोनो ठिकाना हे                          

                                                      मन ल हम सबला रमाना हे

कहां ले आना अउ कहां ले जाना हे

ऐ जिनगी के भइया अब न कोनो ठिकाना हे

राम भर के नाव ह जिनगी म हावय सार

इही में ही मन ल हम सबला रमाना हे

दया मया के लमावत डोरी हो...हो...हो....

कब कहां टूट जाना हे...

धन दौलत ले भरे तिजोरी

देख वोला ललचाना हे

येकर मरम म फंसे जमाना

अपन संग सबे ल भरमाना हे

सूते म देखत सुघ्घर सपना

पल म चूर चूर हो जाना हे

मीठ मीठ बोली ले भर लेन झोली

इही ल ही सबों म बंटाना हे

कहां ले आना अउ कहाँ ले जाना हे

भज ले राम के नाव संगी

बाकी तो सब बेगाना हे...।

                               
                            डॉ. दीनदयाल साहू